ليلة خميس..


ليلة خميس..



ليلة خميس – الشاعر/ مسفر بن سعد الجمال القحطاني:


لوجمعتو كل مكتوب ورساله
غيرها ليلة خميس اقول مابي
.
هي مجلة حاضر وماضي الاصاله
كل ما اسئل وسطها احصل جوابي
.
لمت اخبار البشر شرق وشماله
ولخصتها في وسط افضل كتابي
.
للشعر صفحة وصفحه للمقاله
وصفحة فيها مواضيع الشبابي
.
وصفحة فيها معارك بالجهاله
خاضها حكامنا بخيل وركابي
.
وقتها مافيه لا بندق ولا أله
مابه السيف او روس الحرابي
.
وكل عوداً يرتجي رجعة عياله
قاتل او مقتول مافيها مصابي
.
يوم نجد تقول وين اهل الجماله
وين ابوتركي يشوف الي جرابي
.
اعتزت نجد وابوتركي اعتزاله
قال دامك لي يانجدً لا تهابي
.
واصلك يانجد مافيها محاله
والمهر عجلان راسه فالترابي
.
عقبها عود على مهد الرساله
ونفذ احكام الله بناوي الخرابي
.
ما اشتكى للشعب من شيً جراله
قال قصدي مايهاب الي اعتزابي
.
اشهد انه حاكماً احيا العداله
واشهد انه فارس ورايه صوابي
.
نفتخر به شعب لامن جا مجاله
والوطن قال افتخر لانه مشابي
.
كل ماقلته قليلً من خصاله
بس حبيت اختصرها في خطابي


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *