ليلة خميس – كلمات الشاعر/ عبدالله حمير القحطاني:
يا وطنا .. عزك الله .. يا وطنا
دمت من فوق الأمم عالي جنابك
.
أنت والله .. قطعةٍ فينا .. ومنا
غاليٍ في كل شبرٍ .. من ترابك
.
وان بغيت العلم .. رد العلم عنا
يا وطن .. ولا نبي منك جوابك
.
لاتضيق .. ولا تهم .. ولا تعنى
دامنا يا موطني .. من دون بابك
.
لك نسوق ارواحنا .. منا .. ومنا
حالفين انموت لاجلك .. ونحيا بك
.
في الشدايد .. نروي السيف المحنى
من دم الاعداء .. وندحر من نوى بك
.
استرح يا موطن العز .. وتهنى
في رفوف المجد .. عليّنا كتابك
.
أنت اطلب بس .. واطلب ما تمنى
وكلنا لك .. سيفك اللي في جرابك
.
كلمتك وحدة .. ولا هيب اتثنى
ولاتلوم اعداك .. لاصارت تهابك
.
وكل يومٍ .. في محبتك انتغنى
ونكتب أسمك .. في سماك وفي سحابك
