ليلة خميس- عبداللّٰه الغدير -(مجاراة):
قــدر مقــام اللـي يقــدر مقــامــك
واجز الذي يجـزاك بالخيـر خيريـن
.
واحـذر تنقـص للـوفـي اهتمـامــك
مايجحـد الـوافيـن غيـر الرديـيــن
هاذين البيتين سمعتهما من الشيخ/ عبداللّٰه بن عواد بن طواله
وجاريته بالأبيات التالية، لعلها تنال اعجاب واستحسان الجميع
الشاعر/ غالي عبيداللّٰه العضيله المطيري:
يالشمري قافك دليـل اعتصـامـك
مبداك واضح لك مقـام وعناويـن
.
فعلك مشاهد والوفا فـي نظامـك
مثل الجدي ثابت دليل وبـراهيـن
.
اعجبتنـي يالشمــري في كـلامـك
يا ابـن طواله يـاحفيد الكـريميـن
.
الدين نهجـك والمـراجل وسـامـك
وأهل الوفا والطيـب دايم وفييـن
.
الطيـب عنـوانـك وغـاية مـرامـك
سيـفٍ اتجمل في جميع الميادين
.
شمر شموخ المجد ربعك احزامك
وكـل الطنايـا بالمـراجـل مسمـيـن
.
من طيب ذاتك والوفا واحترامك
كسبت ود أهل القلـوب الوفـييـن
.
قـريت عنـوان الكتـاب وسـلامـك
وجاريت جزلات الفرايد ببيتيــن
