(مجارة) تهيضو الصقاقير..


(مجارة) تهيضو الصقاقير..



ليلة خميس- ناصر الخالدي:


يا جعل يسقا لا اكتمل ريشه الطير.
وكلّن نقل طيره وهب البرادي.
،
انشهد انّه يا الوجيه المسافير.
عندي من ايام الفرح والعيادي.


ليلة خميس- الشاعر/ راشد بن سنديه المنصوري:


ياناصر المنعور مسيت بالخير.
جددت لك جرحن عليه الضمادي.
،
شفني على التوحه اسوق التباشير.
الله يعوض في قديمه اجدادي.


ليلة خميس- الشاعر/ ناصر الخالدي:


مسّيت يا راشد بريح النواوير.
اللي شذاها فيه ماني بغادي.
،
الطير حبّه عند بعض الصقاقير.
حب الحرار لنايفات المبادي.


ليلة خميس- الشاعر/ راشد بن سنديه المنصوري:


يالخالدي ارسلت كل التقارير.
ابيات شعرك وصفها غير عادي.
،
الطير ومخوه رجالن مناعير.
يصير طربه ل الهدد والطرادي.


ليلة خميس- الشاعر/ ناصر الخالدي:


عليك باللي كن لونه لهب كير.
مطروح حول اديار أحمد نجادي.
،
والا عليك بوحدتن صنفها غير.
خرشا وهي يا الذيب غايت امرادي.


ليلة خميس- الشاعر/ (صقار العوازم) ماجد شقير العتيبي:


يالخالدي ناصر عريب المناعير.
ذكرتنا بالطير وقت الهدادي.
،
وهيضت قلب اهل والولع والصقاقير.
قبل رمضان وقبل هب البرادي.
،
كلن على ابياتك يهيض التعابير.
وده يجيب الطير قبل العيادي.
،
هاذي مجاراتي وانا ماجد شقير.
تنساق لهل العز واهل المبادي.


ليلة خميس- الشاعر/ مدالله السرحاني (ابوسلمان):


يالخالدي ناصر نمسيك بالخير
كانك مساء والا صباح برادي.
،
وحنا معك نطلب عسى يخضر الحير.
ويكثر مطرها وسيلها بكل وادي.
،
والصيد يكثر والحباري مخامير.
وكلن نقل طيره يدور الهدادي.
،
والعيد ياناصر بخوة مناعير.
أدناهم اللي لك عضيدٍ سنادي.
،
ماحسبوا في كيفهم للمخاسير.
شرواك ولامنهم عن الطيب غادي.
،
من شان هذا غايتي ننقل الطير.
واغليه واحطه بحسبة اولادي.
،
واماري بطيري سواة الصقاقير.
اللي يجملني بوقت العنادي.
،
طيرٍ يسرك لانظرته من الجير.
والا حرار الجو طرح الحمادي.


ليلة خميس- الشاعر/ تركي العازمي:


قدلي عن المقناص وملاعب الطير.
اليوم عشر اسنين علم وكادي.
،
ناسي ومتناسي ليال المعابير.
حتى قريت ابيوت شعرً اجدادي.
،
الخالدي عبر حسين التعابير.
عن نقلة القرناس جثل الثنادي.
،
وجراه راشدفي حسين التصاوير.
وعبر عن الخافي واشاده وجادي.
،
شيخً من أشيوخ ادهاه المناصير.
اللي تضد القوم يوم الطرادي.
،
وانا بجاري مكرمين الخطاطير.
أهل الوفاء والجود وهل المبادي.
،
لوكان ماني حول وصف المناعير.
باصف مع الشعارحسب اجتادي.
،
انا هواي الي الياقفن مدابير.
أيدور العازم قوي العنادي.
،
خطوى اشقر ًصوايده كالبوكير.
اليا قنصبه راعي الصيد صادي.
،
افجح مثل عودً فجحله على بير.
ياطالع الصيده اعيونه احدادي.
،
هجرًسراويله غشت مربط السير.
مطروح شمال المملكه بالحمادي.
،
لوكان وقت الطير وملاعب الطير.
راحت حلاته يارفيع المبادي.


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *