عشرين عام..


عشرين عام..



ليلة خميس- الشاعر/ فرحان(ابن دبلان ):
،
عزالله اني حزين وظاقت اخلاقي.
ولا عاد فيني صبر يابنت يكفيني.
،
( عشرين عامٍ ) وانا مغرم ومشتاقي.
العمر يمضي وطاري البعد يشقيني.
،
ياما تقدمتلك والحظ بي باقي .
خمسة مراسيل عيت لاتصافيني.
،
لو النصيب انكتب للغير تنساقي.
ابنتظرك العمر مع باقي سنيني.
،
ودي على الشرع في قربك والعناقي.
مَادمت احبك وقلبك مغرمٍ فيني.
،
انتي ولاغيرك لْعيني ترى لاقي.
حبك عن الغير كنه معّمين عيني.
،
انا على شوفتك بالحيل مشتاقي.
واخاف شوقي مع الايام ينهيني.
،
وش باقي اقولـلك يابنت وش باقي.
حسّي تراني احبك لاتجافيني.
،
ياما على دياركم عنّيت انا ساقي.
كله على شان عينك يامعنيني.
،
وياما كتبت الشعر في بيض الاوراقي.
قصايدن عن جروح البعد تلهِيني.
،
ماغير شعري يسلي خاطراً ضاقي.
عن الذي حبها وسط الشراييني.
،
تكفون انا اقولها من داااخل اعماقي.
جيبولي الزين لو يبغى ملاييني.


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *