لأغلا وطن..


لأغلا وطن..



ليلة خميس- الشاعرة/ سحايب العازمي:


جانا الفرح هلت علينا التباشير
من فضل ربٍ مايخيب الرجابه
.
سبحانه اللي في يديه التدابير
اللي عن المحتاج ماصك بابه
.
لاغلا وطن نهدي تحيه وتقدير
ونزفها لأهل الكرم.. والمهابه
.
يوم الوطن مبروك يارض المناعير
دار السعود اللي عزيزٍ جنابه
.
إرضٍ وهبها الله زحول المناعير
نعم الرجال أهل الظفر والصلابه
.
أهل العزوم الوافيين … المغاوير
ساس الملوك اللي يزعزع خطابه
.
وفي عهد (سلمان الحزم) دارنا غير
الله يديم أمن الوطن في رحابه
.
حاصر هل الفتنة بحكمه وتدبير
والفرس وذنابه …. تدنا عذابه
.
ولي عهده قاد معه .. الطوابير
ليثٍ شكت كف العداء من صوابه
.
رمز الشموخ اللي به العز والخير
غيثٍ تناثر فوق شعبه سحابه
.
وحنا نسأل اللي بيده المقادير
اللي على رسله منزل كتابه
.
يجعل لهم في كل الاحوال تيسير
ونصرٍ مثل نصر النبي والصحابه
.
وصلاة ربي عدّ ماغرد الطير
على الرسول اللي صدق في جوابه


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *