سباع السباع..


سباع السباع..



ليلة خميس – الشاعر/ مشعل هدوان رشيد المصرب:


موجهن قولي إلى طيب الفال
لكل طيب له سلامي نصاوي
.
اللي يحفظ العلم من قايلٍ قال
له نظرتٍ ياقال ماهو دناوي
.
عينه على الجزلات مخرج ومدخال
اللي لربعه مثل تمرٍ حساوي
.
كلمة نعم في نادر الفعل تنقال
اقولها باللي بفعله سطاوي
.
حرن شهرمن مصقرة مجد الابطال
قرناس باتع من فصيل النداوي
.
جسور نادر شاطر الكف قتال
شره على الخرب الخريش السماوي
.
ليارتفع عن سمرة القشع ثم صال
عزمه على لحق الطريده رهاوي
.
يسبح على متن الهواء وجرد الاسهال
من خلقته بالخوف يمشي خلاوي
.
نسل الرجال مروضت كل عيال
(ليا جتمع حس النعى والنخاوي)
.
سيوفن تلامع باالظفر عضدها رجال
تشوش لاسمع بندب العزاوي
.
وليا الفخر بالمدح ماضين الافعال
نعم الرجال مزبنين الجلاوي
.
سباع السباع مزبنة كل دخال
ربعي هل العرفا بعاد الهقاوي
.
اقولها ولاني منافق وعيال
هذي حقيقه قالها كل راوي
.
مسجله التأريخ يبقى للأجيال
على النقى ماهي سوالف حجاوي
.
يا ربعنا حذرا وحذرا يالأبطال
من ناس تسعى للفتن والدهاوي
.
تبي تفرق جمعنا بخبث الأعمال
أهل النقيلي مروجين الدعاوي
.
حنا قبايل مابها قايلٍ قال
والجد واحد كلنا بتساوي
.
ان طاب طيبنا نقل حمل من عال
وان هد فارسنا يفك الخلاوي
.
واليوم حنا بخير في كل الأحوال
عند الملوك مزبنين الجلاوي
.
أخوة نوره مرقبه كل ماطال
على الشريعه وحكمهم بتساوي
.
في عهد مليك الحزم والعزم ياقال
تسكت هل الفتنه وتطفي بلاوي


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *