أحلام العمر..


أحلام العمر..



ليلة خميس- كلمات الشاعر/ عبداللّٰه حمير القحطاني:


خذي من احلام العمر .. كل ماتبين
بس اتركي لي .. ذكرياتك .. وارحلي
.
خلي الصور .. مركونه .. برف السنين
اشوف فيها الماضي .. ومستقبلي
.
تملى حياتي .. بالمشاعر والحنين
وتملى الفراغ اللي بدونك .. ماملي
.
وانتي على مانتي .. تبين وتشتهي
تغيري .. وتحولي .. وتبدلي
.
لفي الحياة .. وجربي فيها .. الين
تبكين من قلبك .. على الحب .. وعلي
.
لانك خسرتي غالي .. وبعتي ثمين
والحب قالوا .. للحبيب الأولي
.
عيشي بدوني .. قد مانتي تقدرين
حتى سحايب .. ليل عمرك تنجلي
.
في وقتها .. ماني على فقدك حزين
لانك قتلتي .. كل حاجة داخلي
.
وبتمرك الدنيا .. مرور العابرين
ومني اسمعي باقي الحديث .. ومايلي :
.
من باعني بعته .. وانا حبلي متين
ولو هو كذب .. كذبه علي ماينطلي


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *