صدى الشرهة..


صدى الشرهة..



ليلة خميس- الشاعر/ فهد عواد الصقري:


جلست أتامل الموقف ما بين الخبث والحساد
ولقيت ان الرجل يذبح حسود القلب بسكاته
.
لك اللّٰه ما عجز ردي ولاني للضعف وراد
قبل يخطى قدم رجلي عرفت شكثر خطواته
.
اخاف اسمع صدى الشرهة يردد يا فهد عواد
واخاف مْشارهة عاقل يحسفني بشرهاته
.
ما دام ان لي مع زحول المراجل والنقا مقعاد
قصرت القول لا وده وقصرت القول لا هاته
.
لان القول لا طوّل تعرف الخبل والنقاد
واذا قل الحكي يصفى الرزين بقل كلماته
.
يعوّد وقت للطيب وشوف اهل الردى لا عاد
وجيهٍ شوفها نقصٍ يزود بكل سياته
.
عليك بشوفة الطيّب نسل طيب وعقب اجواد
ينومس يا هرج والا ينومس وقت فزعاته


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *