درّة الآوطان..


درّة الآوطان..



ليلة خميس- كلمات الشاعر/ حسين العامري:


مسا الناموس يا دار الفلاحي درّة الآوطان
مسا العز القديم ودارنا للفخْر ولّاده
.
مسا الشيخ المظفّر ريّس الدوله رفيع الشان
خليفتنا خليفه عند شوره دوم ومْراده
.
بعَدها رفرف البيرق على حدود الوطن ما هان
علمنا بالسما والرّوس للآمجاد معتاده
.
بعدها يا سلام اللّٰه على من جحفل العدوان
على الركن الطويل اللي صروح النّصْر بزْناده
.
سلام اللّٰه على محمد ولد زايد ولد سلطان
ولي العهْد ابو خالد يمين الحكْم وبْلاده
.
قطع راس المجوس بدولته والطّامع الخوّان
وهدّ بلاذع الحدّين لانّ النّصْر ميعاده
.
كفخ من قوّ باسه واحْكم القبضه على الطغيان
عوايد من شرب من كفّ زايد والفخر زاده
.
نسفهم ليلة حساب الوشاة وكفّه الميزان
أسد شبه الجزيره يكتب التاريخ لاحفاده
.
بعدها حارب الآرهاب ما همّه وش اللي كان
صدق مع ربّه ونفسه وشدّ لدينه جْياده
.
معاك ارْجال يا بو خالد وحنّا معك فرسان
قسم باللّٰه لو تمشي بنا النهرين وزْياده
.
ما تسمع غير آمر ، تم ، سير بمنهج القرآن
معك يا سيّدي ونْبايعك والعاده . . . العاده
.
ندف ارواحنا لجل الإمارات وعلى الإيمان
ولا همّك عدو الدار لو هو زاد بعْناده
.
ما يدري عْيال زايد فعلهم يوم اللقى بركان
يردون الخبر طيّب على الآمجاد ورّاده
.
على الآرهاب واللي يحضن الآرهاب ذلّ وشان
نجدّد لك يا بو خالد ولانا شِيب واوْلاده
.
رجالك يا محمد بالشدايد يشهد الميدان
جلدنا من نوى الدوله بشرّ ونجلد اسياده
.
تآمُر بالخفى ندري عن علومه وراسه بان
بعد ما كان يحفر بالثرى ثم يعلن احْياده
.
وجوه اهل الغدر شاهت ولا باقي لهم مزبان
خمينيّة وَلا صهيون وِجْهه كذبهم عاده
.
كرهتونا لأنَّا نكشف اللي يدعم الآخوان
وطنّا ما هو بتابع لاحَد أو مكركم صاده
.
لان هذا وطن زايد يا بو خالد فخر لازمان
ندافع عن ثراه بكل ما نملك مع القاده
.
تعاليم الفلاحي ساريه بالدم والشريان
حدانا ان مات لجل الدار صار الموت ميلاده!


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *