الدار..


الدار..



ليلة خميس- الشاعر/ زعكان عيضه المالكي:


بأسمك ابتدي ياللي فطرت الارض والسموات
الاهي لا الاه الا انت ياربي بك آمنا
.
دعيتك تحفظ الدار السعودي واحفظ القادات
عيال العود ياللّٰه ترحمه صانو ماوطنا
.
مؤسسها وناصرها ومخرجها من الظلمات
ووحدها وشيدها وفي صفه توحدنا
.
وجا من نسل ابو تركي ملوكاً صدو الغارات
سياسه محكمه والعدل من بابه تقدمنا
.
نقود السمع والطاعه لهم ونسامي الهمات
على العهد القديم ارست قواعدنا ولا زلنا
.
وفي عهد الملك سلمان سيد سادت السادات
بفضل اللّٰه ثم فضله على العالم تصدرنا
.
زعيم المملكه حامي الحدود وصامد الوقفات
سما فوق النجوم وخذ بيادينا وشرفنا
.
مليك الحزم راعي العزم كف الجود والصملات
يذل المعتدين ويكسب الجوله وينصرنا
.
وفي جنبه ولي العهد قاطع سبة العلات
محمد للعلا يسمو وتزها به مرابعنا
.
عروش المجد له تصغي وتشهد له بكل اثبات
ولد سلمان ابالضفرات للنهضه يوجهنا
.
نحب آل السعود اهل العطا والفضل والخيرات
وحنا جيشهم واعلى كتاب اللّٰه تعاهدنا
.
ونعشق مملكتا عشق طاغي يحتويه الذات
وحنا دونها والموت الاحمر في محازمنا
.
نحبك ياوطنا والعذر ماتوفي الابيات
محبتنا لك اكبر ياوطنا من مشاعرنا


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *