دمعة حزن..


دمعة حزن..



ليلة خميس – الشاعر/ حسين القحطاني (أبو خالد):


مرت سنه والحزن من زود في زود
ياحر فقد اللي له القلب توّاق
.
يسريبي الهاجوس والعالم ارقود
واسري مع ذكراه لي قرب الاشراق
.
الصاحب اللي فوق دنياي مفقود
يعيش في قلبي وتحييه الاشواق
.
عشرين عامٍ بين كادي وكمبود
واليوم غاب وغيبته كيف تنطاق
.
مرحوم يااللي بالوفاء ماله احدود
انااشهد ان فرقاه تحرقني احراق
.
راضي بحكم اللي خضعنا له سجود
سبحان من قسّم على الخلق لرزاق
.
لاياوجودي مابقى بالحكي فود
راح الخوي اللي على الخير سبّاق
.
يا دمعتي هلّي على راعي الجود
دمعة حزن دمعة غلا دمعة افراق


1 التعليقات

    1. 1
      ابوسعدان

      ابوخالد
      واللّٰه شاعر بمعنى الكلمه واللّٰه يصح لسانك ويبيض وجهك عند خويك حي و ميت لم تتوانا في ذكره بالطيب

      تقبل مروري
      الجدي

      الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *