الرأي السديد.


الرأي السديد.



ليلة خميس- الشاعر/ أحمد البليهص المسيكي:


ياسلام اللّٰه على اللي سمع مبدا النشيد
من هجوسٍ يغرف الجزل قاف ومحتوا
.
المديح بلابتي شي ماهو بالجديد
ربعي والطولات قصة محبينٍ سوا
.
ونايف الوقفات والعز والفعل الحميد
اشهد انه هو جبل مايهزهزه الهوا
.
شايل الرتبه من ملازم لرتبة عقيد
هو يشرف رتبته بالفعل كانه نوا
.
ضابطٍ مشهور من قبل لايعلق عميد
كيف عاد ان صار ياربعنا رتبة لوا
.
جيت اباركله الرتبه بمضمون القصيد
لان ابن جوال بالطيب والعز ارتوا
.
جيته لنقل البناخي وقال ابشر وزيد
قاويٍ للطيب يوم ان غيره ماقوا
.
جاسرٍ للطيب ذيب عنزه هذا اكيد
لاعواله ذيب جاوب معاواه وعوا
.
لابغيت الشور خذ منّه الراي السديد
ضاري لشيل الثقيله واذا ثار استوا
.
يعشق الفزعه بكر ماتونا يستفيد
ولاتعنصر مير للوايلي دوم اهتوا
.
للصديق الين من اللين بالفزعه سعيد
وللعدو اقسى من النار ولاعدائه كوا
.
هو لوا صكات بقعا على الشده عنيد
مالوته اضرار بقعا هو لايدها لـوا
.
الف نعمٍ في ابوفارس وفعله مجيد
لو طواه الوقت علمه ولايوم انطوا
.
ياعسا عمره طويل وعسا ايامه تزيد
واللّٰه يبارك بنسله وعمره والقوا
.
يابعد منهو يقدم على ربعه بعيد
لانصاه اقرب قريبٍ على الهزله ثوا
.
وبالصلاه على النبي اختم ابيات القصيد
عد نور الشمس واليا انعكس بدر وضوا


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *