سلمان الحزم والحميّه..


سلمان الحزم والحميّه..



ليلة خميس- الشاعرة/ مداهيل:


ترعد وتبرق و اتبعتها برديّه..
وهلّ الفرح والخير في ديرتي فاض..
.
حض الرياض وحض نجد العذيّه..
بالحاكم اللي منه قلب العدو جاض..
.
سلمان سلمان الحزم والحميّه..
عنوان مجد و نور في كوننا ياض..
.
سور العروبه ب الليالي العتيّه..
وريف الوطن والجار في لازمه ناض..
.
انشهد أنك يا ملكنا هديّه..
من خالق اللي حرّها طاغي و لاض..
.
نعلن لك البيعه بنفسً رضيّه..
والشعب كل الشعب ياسيدي راض..
.
وانبايع محمد زعيم السريّه..
اللي لجل امن الوطن حربها خاض..
.
الصارم العادل زبون الونيّه..
مدهال عز و فخر به هاجسي هاض..
.
جينا نبايع للمليك..و وليّه..
حاضر وفاء يتبع خُطى وافيً ماض..
.
سمعاً وطاعه والسلام وتحيّه..
للحاكم اللي منه قلب العدو جاض..


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *