غفى وقتي..


غفى وقتي..



ليلة خميس- الشاعرة/ غلاك:


غفى وقتي عن أحزاني وعيا
يداوي جروح في روحي أليمه
.
بكا قبلي شكى مني وهيض
وعاف العين ودموعه عقيمه
.
وقال ! ارجوكِ يكفي كل هذا!؟
غدا حِزنك قصورٍ به مقيمه
.
عزف !! وقتي وخلاني بدونه
حِكايه مالها داعي وقيمه
.
ملل حتى الصبر مني وصبري
به سنينٍ من اوجاعٍ عظيمه
.
غديت بدون وقتي شي عادي
عقارب ساعتي صارت يتيمه
.
رحل خلي بوقتي في يدينه
ترك نبضي وروحي له سقيمه
.
رحل فجأه كذا عني ومدري
تغير حبنا! وله ماعدت غيمه ؟
.
يهوجس به قليبي و عَنَايه !
واقول الله .. ياربي تِديمه
.
غيابه زاد في جوره وكني
بلا روح وبلا عقل وعزيمه
.
هجير الشوق محرقني بدونه
اذا ما عاد يذراني بغيمه
.
يا قلبي وش جنيت من المحبه
سِوى الخذلان وعلومٍ وخيمه
.
رجوله..!؟ خايبه مع كل كذبه
وخيانه في خيانه مستديمه


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *