بعض الـمعالـم..


بعض الـمعالـم..



ليلة خميس- كلمات الشاعر/ مهدي بن مسفر الحبابي:


يا هواجيـس ٍ تـداحم عـسا المقـسوم خـير
دقـت الـساعـة وكـوس عـلى لارض اغـبـره
.
واختفت بعض المعالم من اسباب الهجـير
ومات عصفور الاماني على غصن اشجره
.
وقـلت يا عــقـال بـ الله ويش اللـي يـصـير
ويش لون الوجه لابيض لـما غاب اسفره
.
مـا يـمـيـز بـين اللـوان يـكـون الـبـصـيـر
البـصـيـر اللي يـقـديـه عـقـلــه وابـصـره
.
ادري ان النور ما شافـته عـيـن الضـريـر
وادري ان لايـام يـومـين مـاهي بعـشره
.
الليـالي غـيـر والـناس هذا الـوقت غـيـر
انـشد اللي صرح مـبـناه بالـعـز اعـمـره
.
علموا من يحسب ان الوفاء حبله قصير
علموه انـحن هل الطيب وانعشق اوعـره
.
وعـقب اللي ينوخذ عقب ما جاه النـذيـر
وعـقـب اللي لا نصيـتـه يـلــقـيك اظـهـره
.
جاك موجز بعض الأخبار ياصاح الضمير
والوصل والـهجـر ما بيـنها غـيـر اشعـره
.
كان حلمي في لأصـاحيب منقطـع النظـير
وكتشفت ان بعض الاصحاب يهفيه انظره
.
زلة الـمحسـوب تحسـب على شر ٍ وخـير
وأما غـيـره ما حسبـنـا لـعـلـمـه واخـبـره
.
والصـديق بـسلمـنا نـنزلـه مـنزال اميـر
والـكـفــو مـنـا وفـيـنــا ولطـيـب اثــمـره
.
واحـد يـفخـر بـناء حزة الـشر الـشـريـر
حن انـفـاخر به لـمن رعى الطيب اذكـره
.
وفي مناهجـنا انقدر مقامك يا الكـبـير
ونرحم اللي صغر عقله مع الناس اشهره


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *