لاتخسر بلادك..


لاتخسر بلادك..



ليلة خميس- كلمات الأمير الشاعر/ خالد بن سعود الكبير:


تـميـم انـا بنصـحـك للّٰه نصـيحـه
فيها الأمل والحل والعز مضمـون
.
اللي حصل لا شك واللّٰه فضيحـه
على قطر .. واسبابها راي مفتـون
.
مـن شـاور المتـرديـه والنطـيـحـه
لا بـد مايندم على الشـور ويهـون
.
تـرى الحكم يبغى رجالٍ صريحـه
قـرّب وشاور لك عقـولٍ يعرفـون
.
مادامت شعوب البلـد مستريحـه
لا تخسر بلادك على شان مجنون
.
الحكم في قبضتك واحذر يزيحه
شعبك من الضيقه ويتركّ مغبـون
.
لاتحسـبِ ان الكلـب ينفـع نبيحـه
إيـران والا غـيـرهـا مـا بهـم عـون
.
الخـوف منـهـم ياكلـون الـذبيحـه
عـدوان والعـدوان مـاهم بيوفون
.
عوَّد على أهل القلوب الصحيحـه
اهل الخليج اللي الى عِدْت يعفون


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *