الحد الجنوبي..


الحد الجنوبي..



ليلة خميس- الشاعر/ فهد عسكر العتيبي:


[ قصيده وطنيه مهـداه لأخي/ ماجـد عامر الاسعـدي المصاب على حدود وطنا الغالي وإلى جميع جنودنا البواسل حفضهم اللّٰه من كل مكروه ]


تـحـت رايتـك يـادرع البـلاد وسـيفـنـا الـبتـار.
علـى الحـد الجـنـوبـي كـلنـا درع الجنوبيــه.
،
على امرك سيدي حنا معك قـدام خـط النـار.
نــدك المـعـتــديـن وفـالمـواقــف نـارنــا حــيــه.
،
على رهن الاشاره نرخص الارواح والاعـمـار.
على الخـط الامامـي كلنـا فـي مقـدم الهيئـه.
،
نسـوق العمر كلـه مانهاب المــوت والاخـطــار.
نمـوت بعــز وحـدود الـوطـن تـبـقـى كمـا هيه.
،
نصـون العـهد ويعيـش الوطن فمان واستقرار.
جنـود الجيـش ورجـال الحـرس دونـه فـداويـه.
،
فـداء للممـلـكــه وحدودهـا مـادونـهــا مـعـــذار.
فدتـك ارواحنـا واعمارنــا يارض السعــوديــه.
،
ياسلمان الحـزم حنـا جنـودك فالهــداد احـرار.
تباشـر بالنـصــر حـنـا عـقـدنا الــعزم والـنـيـه.
،
من الواضح نشوف انك عطيت الطامعين انذار.
وفـعـلـك زاد هـيـبـتـنــا وزدنــا فـيــك قـومــيــه.
،
هـذا رعد الشـمـال اللـي تقـوده حـيـر الافكـار.
تحالـف معتبـر لامـرك عـلـى حـدود الشمـاليـه.
،
وهذا حـزم الجنـوب اللـي تشنـه ما عليه غبـار.
عـلـى روس الـطغــاه بحــزم لا مـثـلـه ولا زيــه.
،
وهذا البيرق شموخ وعز ويرفرف جـنـوب الـدار.
وحـنـا نـحـتــمــيـه ونــردع الـعــدوان جـبــريـه.
،
صبـرنا لـين شـفـنـا سـد مـارب واليمـن ينهـار.
وخـارت قـــوة الامــه وصـابتـهــا انـهــزامـيــه.
،
وبدا العهد الجديد اللي عليه نواصل المـشـوار.
ونــردع كـل خـايــن زاد فـعـنــاده وفـي غــيـه.
،
عليه من الفضاء قـوه تـدك الحـصـن والاسوار.
وعليـه مـن الجبـال الشـاهـقــه ضربات فوريــه.
،
نقننها علـى الخـايـن عميـل الفـرس والاشـرار.
عــمـيـل ايـران والحـوثي وراس الداب والحيـه.
،
بهـيـبـتـنــا وقــوتـنـا يـــذوق الـمــــر والامــرار.
ونعيد الامن في بلاد العرب وارض الــيـمـانـيـه.
،
لنـا وقفـات مشـهـوده وحـنــا مـحـتـمـين الجــار.
حـميـنـا جـارنـا في مامضـى واليــوم مثــنـيــه.
،
على امرك سيدي صرنا نشوف الكايدات صغار.
نـخـــوض المــعـــركـــه قـــوات بــريــه وجــويـــه.
،
جنـودك في حـدودك كـلـهم في حالة استنـفــار.
ومهمـا صـار فيهـم وضـعــهــم مـيـه علـى مـيـه.
،
وما دام الحرب لا دارت رحاها تكشـف الاسـرار.
وتكشـف وقـفــة رجـالــن علـى الميــدان مخفيــه.
،
مثـل وقفـة ولـد شيـخـاً قــوي الـعــزم والاصـرار.
تـنـومـسنـا فـعــولــه والــفـخــر لا حـل طــاريــه.
،
مـن رجـال لـهم صيــت ومـواقـف تلفـت الانضـار.
هـذا مـاجــد ولــد عـامــر ياحـي الاسـم ياحـيـه.
،
مشـرفنـا يـامـاجــد بالـفـعـايـل ياجـبـل سنجـــار.
علـى الحـد الجنـوبي مـرخص النـفـس الفـداويـه.
،
عتيـبـي فالمواقــف واسعــدي تـقـدح زنـودك نــار.
رفـعــت الـــراس فـالميــدان وافـعــالـك بـطــولـيــه.
،
مـصابـك صابـنـا واللـه حـليـم وخــفــف الاضرار.
وكسـر العـضم يجـبـر ماثـنـى من عزمـك شـويـه.
،
لمثـلك نـكتـب بـيـوت الشـعــر ونـصخـر الاشـعــار.
سنــه دون الــوطـن باحـداثـهـا ماهـي بـمـنسـيـه.
،
ولا ننسى الرجال اللي معك في داخل المضمـار.
شهـادتهـم شـرف واللـي مصـاب يـتـوق للـجـيـه.
،
ولـجنــود الـوطــن مـنــا تحيـة شكــر باستــمــرار.
يــرددها لهـم شــعـب الـوفـاء باسـم السـعــوديــه.

 

 


1 التعليقات

    1. 1
      ابو ياراا

      قصيده جزله من شاعر متمكن .ويستاهل ابو عامر اكثر من قصيده اللهم احفظ هذا البلد من عبث العابثين وكيد الكايدين وحفظ جيشنا البطل وقواتنا المسلحه جميعها ..

      صح لسانك يابو عسكر

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *