الرساله..


الرساله..



ليلة خميس- الشاعر/ مهدي بن مسفر الحبابي:


غـربـت مـع هـجـس الـجـزايـل وشــرقـت.
ومـن الـجـنـوب اشــملـت لا بـعـد حـايـل.
،
وعـن كـل مـا يـقـرب مـن الـدون حـلـقـت.
ورقـيـت بـالـهــقــوه عــلـى كــل طــايــل.
،
وبــمـعـرفـة روس الـحـمـايـل تـوفــقــت.
اهــل الــفــخــر ومــدوريــن الـجـمـايــل.
،
ولبعض الاحلام الـجـسيـمات حـقـقـت.
بـعــون مـن بـيــديـه كـــل الـفــضــايــل.
،
وكـشـفـت مضـمـون الرسـاله وعـلـقـت.
ونـاقـشـت ما شـفتـه بـبعـض الـمثايل.
،
تـر البـلا فالـنـاس يـا مـعـذرب الـوقـت.
عـنـدي عـلـى قــولـي شــهـود ودلايــل.
،
وانا قـبـل مـا قـول قــولـي تــحـقــقــت.
عـن مــا يــدور وقـيـل عـبـر الـوسـايـل.
،
ومن بـعد ما شاهدت الاشيا تضايقت.
وصـغـروا بـعـيني مـنـكرين الـجـمايـل.
،
ويا اللي لـما مدح ابن عمك تضايقـت.
وش زعــلــك لــو مــدح ذرب الـفــعـايـل.
،
استح على وجهـك مـا دامـك تـوهقـت.
تـبـغـي اتـنـقــص قــدر راع الـجـزايـل.
،
ليتك بمدحه يا ابن الاجـواد سـبقـت.
هـذا يـعـرفــونــه جــمـيـع الـقـبـايــل.


1 التعليقات

    1. 1
      جبل الشمري

      صح لسانك الشاعر مهدي بن مسفر الحبابي
      ونعم وألف نعم حروف راقيه لمسات للواقع
      مصاغه بماء الذهب
      ف لله درك يبو نواف

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *