ليه الغزل..


ليه الغزل..



ليلة خميس- الشيخ/ سحيم بن أحمد ال ثاني:


ليه الغزل منقود بين اكثر الناس.
خص الفكر لاول وبعض القرايب.
،
ماهوب عيب ولاحرام ٍ ولاباس.
لاصار له حد ٍ ولا له ضرايب.
،
بالفكر طير ٍ وحومته حوم قرناس.
يدوي به الهوجاي لاصار طايب.
،
لاصار بحدود الشريعه على ساس.
الدين يبدي كل مخطي وصايب.
،
حنا هل العليا وحنا هل الباس.
من عصر جاسم جدنا بالحرايب.
،
وان جا فكر بعض المخاليق وسواس.
مااهتم في قول ٍ عليه الشوايب.
،
صيتي مابين الناس يجلي التعوماس.
يوم المواقف من يشيل الصعايب.
،
والى الهمتني صدفة ٍ جات باحساس.
دمجتها بالفكر والفكر شايب.
،
والناس ماخلت ترى باقي الناس.
لاتتعبون الفكر والفكر شايب.


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *